Paul Doyle është dënuar me 21 vjet e gjashtë muaj burg pasi u fut me makinë në një turmë tifozësh të Liverpoolit gjatë paradës së titullit të Premier League në muajin maj.

Doyle u përplas me tifozët e “Reds” gjatë festimeve në qytet, duke shkaktuar panik dhe rrezik serioz për jetën e të pranishmëve.

Gjatë shpalljes së vendimit, gjyqtari Andrew Menary KC theksoi se veprat penale nuk ishin pasojë e një pakujdesie të çastit.

“E vërteta është se ju humbët kontrollin në një shpërthim zemërimi, i vendosur të kalonit me forcë përmes turmës, pa marrë parasysh pasojat,” u shpreh ai në sallën e gjyqit.

Gjyqtari shtoi se me pranimin e fajësisë, Doyle ka pranuar se kishte për qëllim të shkaktonte lëndime të rënda, “madje edhe ndaj fëmijëve”.

Ngjarja ka tronditur opinionin publik dhe ka hedhur hije mbi festimet historike të Liverpoolit për titullin kampion./Arbresh.info

LEXO EDHE:

Incident në paradën e festës së titullit në Liverpool, një person godet me makinë disa tifozë

Liverpooli reagon pas incidentit në paradën e festës së titullit